Projèctes pedagogics

Es entitats deth Hilat Educacion Pirenèus Vius dinamizen projèctes pedagogics segontes es principis dera pedagogia deth projècte: Projèctes a long tèrme, sus eth terren, cooperatius, accions concrètes entà méter en valor er objècte deth projècte e centrats sustot public escolar. Es projèctes pedagogics s'amien a tèrme puntuaument enes escòles o ben s'incorporen ath curriculum des centres educatius deth Pirenèu. Era educacion ena riquesa deth territòri ei eth còr deth projècte!

Projèctes Pedagogics


Ua vintea de projèctes pedagogics s'amien a tèrme toti es ans, des d'era educacion infantila enquiar Institut. Es tematiques desvolopades sòn diuèrses (grani rapaci, activitats umanes de montanha, era bohèra almesquèra deth Pirenèu, paisatge, biodiversitat domestica, flòra des Pirenèus, cambi climatic?) 4 jornades d'intervencion damb escolars distribuïdes ath long deth cors, des quaus ua jornada des quate se realize sus eth terrenh, cercant un contacte vivenciau damb er entorn naturau. Es educadorsambientaus se comprometen a seguirun projècte educatiu segontes es següentes fases: preparacion damb eth professorat entà identificar es objèctius pedagogics, trebalh per auança de coneishement des escolans sus era tematica a desvolopar, activitats entà conéisher e compréner,  activitats entà dinamizar e ensenhar, e coma darrèra fasa era avaloracion entara milhora dera aquisicion de coneishements,  abilitats e actituds.

Prepauses curriculars

 Aguesta dinamica educativa innovadora permet a grops d'escolars, pendent 4 ans, des der equivalent a 6au de primària enquia 3au dera ESO (6ème a la troisième deth sistèma educatiu francés), recéber assessorament e hèr activitats regularaments vinculades ar entorn deth sòn territòri. Es intervencions s'hèn pendent tot eth periòde escolar e son arremassades en un libre que seguissen es alumnes participants. Actuauments s'amien a tèrme dues prepauses curriculars: ua en Collège de Bourg Madame ena Cerdanha e er auta en Collège de Saint-Girons ena Arièja.

Ua auta experiéncia ei un camin educatiu desvolopat laguens deth Parc Naturau deth Pirenèu Catalan, de quate ans de durada e ei adreçat as alumnes de SEGPA dera Escòla de Bourg Madame.