Airines pedagogiques

Eth Hilat Educacion Pirenèus Vius a desvolopat ua experiéncia intèrna entà dessenhar airines pedagogiques: definicion des objectius pedagogics e des destinataris, cerca de finançament, validacion scientifica, e ara seguida era elaboracion... an estat es passi necessaris entath desvolopament de totes es airines deth Hilat.

Kit "Caparroi" 

Maleta pedagogica que conten diferenti recorsi entà desvolopar accions de sensibilizacion ath torn d'aguesta espècia emblematica e des abitats de montanha.

Contengut deth kit: Ua maqueta de mesura naturau deth Caparròi (2,80 m d'envergadura), ua bossa damb siloetes a escala 1/6 des rapaci mès caracteristics des abitats de montanha, un pòster e ua ficha de presentacion dera espècia, ua pellicula de 20 menutes sus eth Caparròi en Euròpa, un banc d'imatges, un CD-ROM interactiu, ua lamina que represente er abitat naturau damb fiches imantades que representen activitats umanes o espècies entà plaçar-les en paisatge, un jòc de ròl sus eth cicle dera vida dera espècia, ua guida metodologica de fiches a on se prepausen un centeat de recorsi e activitats.


Kit "Agla blanca"

Maleta pedagogica que conten diferenti recorsi entà desvolopar accions de sensibilizacion ath torn d'aguesta espècia emblematica e des abitats de montanha.

Contengut deth kit: Ua maqueta de mesura naturau dera agla blanca (1,60 m d'envergadura), ua bossa «Istòries de plumes » damb manuquetes d'audèths entà inventar istòries, un DVD presentant en 12 menutes era vida d'ua parelha d'agles blanques des deth sòn retorn dera migracion enquiath vòl d'un joen. 80 diapositives presentant er abitat, era alimentacion, es menaces, credences e aspèctes culturaus ligats ad aguesta espècia, un ueu ?trincable? (desmontable) entà mostrar era capacitat d'aguesta espècia entà utilizar airines ara ora d'alimentar-se, un jòc de ròl sus eth cicle dera vida d'aguesta espècia entà avalorar es aprendissatges aquerits.


Kit " Hali coa de peish"

Diferenti recorsi entà aprèner eth concepte de desvolopament sostenible a trauès d'aguesta espècia emblematica.

Contengut deth kit: ua maqueta de mesura naturau deth Hali coa de Peish (1,60 d'envergadura), ua bossa de 15 siloetes a escala 1:6 des rapaci caracteristics des abitats de montanha, un jòc damb trincacaps damb 3 nivèus de dificultat, que permeten construir, mejançant era collocacion des pèces deth trincacaps, un paisatge a on abite eth hali coa de peish, hali nere, er  arrianglo, e era bossaca, eth jòc de ròl BiodiverCiutat: un territòri de montanha, 30 actors cada un damb arguments de defensa e ua problematica de gestion deth territòri (eth projècte d'installacion d'un parc eolic enes proximitats d'un dormider de hali coa de peish), un banc d'imatges de mès de 100 fòtos dera espècia, deth sòn abitat, dera sua alimentacion, des sues menaces.


Kit "Pirenèus, es colors dera biodiversitat"

Kit pedagogic francoespanhòl, que conten diferenti recorsi entà conéisher es dificultats, des espècies indicadores e es menaces qu'afècten ara biodiversitat des Pirenèus: 

Contengut deth kit: ua exposicion magnetica compausada per 10 plafons que representen 10 abitats e fiches damb 90 espècies e activitats umanes pròpies des Pirenèus, un classificador damb 90 fiches de recorsi que permeten associar e relacionar entorn naturau e espècies, un banc de 350 diapositives damb comentaris associats entà crear presentacions tematiques, eth jòc de ròl BiodiverCiutat: un territòri de montanha, 30 actors cada un damb arguments de defensa e 4 problematiques de gestion deth territòri (reintroduccion dera craba sauvatja, creacion d'un espaci protegit, construccion d'ua estacion d'esquí e creacion d'ua pista forestau), un DVD sus es objectius dera biodiversitat, ua guida d'activitats entà ussatge der educador damb 90 fiches de recorsi e 80 fiches d'activitats sus 5 tèmes vinculadi damb era biodiversitat des Pirenèus.


Kit "Era Bohèra muscadèla, ath boed dera aigua"

Conjuntament damb eth Conservatoire d'Espaces Naturels de Midi-Pirénées, dinamizador deth plan nacionau d'accion dera Bohèra muscadèla deth Pirenèu, er Hilat Educacion Pirenèus Vius a elaborat un kit entà desvolopar accions de sensibilizacion sus aguesta espècia emblematica e eth miei aquatic pirenenc.

Contengut deth kit: ua exposicion magnetica compausada per 7 plafons damb 130 fiches magnetiques representant activitats umanes e espècies deth miei aquatic pirenenc, un banc d'imatges sus era bohèra muscadèla deth Pirenèu e deth miei aquatic associat,  plantejament d'ua problematica naua entath jòc de ròl BiodiverCiutat: un projècte de construccion d'un barratge en cors d'aigua a on abite era bohèra muscadèla. 

Maleta d'investigacion scientifica: Plantejament der escenari: 

?Ua bohèra muscadèla s'a trobat mòrta. S'a d'ajudar ara brigada dera policia scientifica, coordinada per Inspector  Galémis, a resòlve eth cas?. Dossièr tecnic, entrevista de testimònis, recorsi entar animador ena web www.enquete-desmantifique.com, ua reproduccion d'ua bohèra muscadèla, 5 dossièrs sus era lueira, eth coipú, eth vison europèu, era bohèra muscadèla e eth arrat bohon d'aigua, e ua web damb videos e recorsi pedagogics entà utilizar: www.desman-pyrenees.fr


Pellicula d'introducion deth jòc: enquèsta sus era Bohèra Muscadèla.