Editoriau

Entà uns Pirenèus Vius...

Era educacion entath desvolupament sostenible enes Pirenèus pòrte a plantejar-se objectius ambientaus en aspectes economics, sociaus, culturaus e de governança.

Ei responsabilitat de toti, e per tant, cau trebalhar damb estratègies compartides entre es diferenti agents deth territòri, siguen organizacions non-governamentaus, agents economics, conselhs, autonomies, estats o Euròpa.

Implique ara mainadèra, as joeni e as adults ath long de tota era sua vida: escolara, laborau o de léser e sense discriminacion. Es destinataris son totes aqueres persones que viuen en Pirenèu, mès tanben as nauvengudes.

Cau tendir a formar as persones deth territòri, ja que son aguestes es que milhor lo comprenen e es que milhor actuaràn en ben comun.  Aguest ben comun se referís tant ara qualitat des condicions de vida, com ara qualitat dera convivéncia entre es persones que i viuen.

Atau natura e cultura se tròben.

Es membres deth Hilat Educacion Pirenèus Vius orienten es sues accions sus es Pirenèus basant-les en pensaments umanistes, hènt dera diversitat des cultures, ua cultura comuna dera diversistat.

Promòir dinamiques de multiples actors, de manera transversau, transfronterèra e cooperativa, tient en compde pensaments sensoriaus, emocionaus, artistics, scientifics,... damb ua preocupacion permanenta d'avalorar e d'innovar.

Eth Hilat Educacion Pirenèus Vius compde damb es persones deth territòri entà construïr projèctes en comun; desire tradusir era diversitat de punts d'enguarda en accions concrètes e perdurables.