Eveniments

Eth Hilat Educacion Pirenèus Vius desvolupe eveniments ath long des Pirenèus entara sensibilizacion des diferents publics, abitants, toristes, professionaus,? Consultatz era programacion des diferents eveniments, de ben segur que bèth un s'organize apròp de casa vòsta.

Eth Hilat tanben, ei un centre de recursi pedagogics e pòt ajudar-vos ena creacion e desvolopament des vòsti eveniments vinculadi ar entorn naturau. 

Trobades enes cimes

 Que milhor, dempús d'ua polida trauèssa e un bon sopar, que compartir ua serada d'intercambi ath torn deth patrimòni naturau des Pirenèus, ena senzilhesa, tranquillitat e beresa der entorn des refugis de montanha!

Socis: AGREPI, PNR des Pyrénées ariégeoises, PNR des Pyrénées catalanes, CEN Midi-Pyrénées, Nature Midi-Pyrénées, ADT 09, Parc National des Pyrénées, LPO e eth Hilat  d'Educacion  Pirenèus Vius. 

Ua trentea de serades sus es espècies indicadores de biodiversitat e es problematiques ambientaus des Pirenèus  (eth caparròi, er os, es cernalhes, eth  cambi climatic, espòrts ena natura e conservacion dera biodiversitat, eth lop, era bohèra muscadèla, er aster deth Pirenèu, era reintroduccion dera craba sauvatja, eth mon dera net, es arrates-caudes?). Mès informacion ena web  www.rendezvousdescimes.com.

Aperitiu damb fauna pirenenca

 Aguesti eveniments, que se realizen ena tardor, an coma objectiu prepausar as politics elèctes (bailes e còssos) e es abitants des pòbles des Pirenèus damb un patrimòni naturau singular, ua activitat originau ludico-festiva ath torn d'espècies indicadores dera biodiversitat deth Pirenèu: serades damb ?Loto-Natura?, teatre-fòrum, condacondes, passejades nocturnes...

Era implicacion de tota era poblacion, des des bailes, vesins, artistes, productors locaus..., eth convit personalizat e originau enviat a cada un des vesins... entre d'autes iniciatives similars, son es ingredients d'aguestes serades. 

Er estiu deth Caparroi

 Cada dus ans, un territòri des Pirenèus acuelh aguest eveniment ath torn deth caparròi. Aguest a coma objectiu crear e realizar ua activitat en el territòri damb es politics locaus (bailes e còssos, professionaus, oficines de torisme, guides de montanha, guardes de refugi, comissions de hèstes, artesans?) Es Reserves Naturaus catalanes, era Val d'Azun, era Val de Campan, Saint-Jean-Pied-de-Port - Donibane Garazi  e eth territòri deth Parc Natural Regional des Pirenèus dera Arièja, an estat quauqu'uns des lòcs qu'an trigat aguest eveniment.