FAQ

En aguest apartat i trobaratz es qüestions mès freqüentes. Es responses as vòstes qüestions dilhèu les trobaratz entre aguestes.  Se non ei atau, podetz contactar damb nosati a trauès dera següenta adreça electronica: contact@repv.org


Un Hilat ath servici dera educacion


 Poirietz participar en projècte pedagogic relacionat damb eth miei ambient qu'organizi en mèn centre educatiu? Òc, eth Hilat Educacion Pirenèus Vius, a trauès deth trebalh des sòns membres e en foncion deth finançament der an en cors, pòt prepausar-vos un projècte pedagogic sus un tèma ambientau vinculat as programes escolars. Demanatz-mos-ac ara següenta adreça electronica contact@repv.org,  vos meteram en contacte damb es entitats deth Hilat mès apròp ath vòste centre educatiu o ben contactatz directament damb bèth un des nòsti membres:  http://www.repv.org/carto_1_1_15.html 


Com pogui beneficiar-me e utilizar un recors pedagogic deth Hilat? Es recorsi pedagogics elaboradi peth Hilat Educacion Pirenèus Vius s'utilizen en marc des programes de sensibilizacion desvolopadi pes entitats membres deth Hilat. Non dubtetz en contactar damb nosati entà ua sollicitud concrèta, escriuent-mos a contact@repv.org


Serie possible ua collaboracion entara creacion d'un recors pedagogic relacionat damb eth miei ambient? Òc, eth Hilat a competéncies entara creacion de recorsi pedagogics. Seríem fòrça interessadi en collaborar damb eth vòste projècte dant-vos ajuda metodologica o supòrt tara creacion deth recors, des dera idèa enquiara sua realizacion concrèta. Non dubtetz de hèr-mos particips deth vòste projècte. Podetz contactar damb nosati a trauès dera adreça electronica:  contact@repv.org


Un Hilat ath servici dera formacion de toti

Participatz en camp dera formacion d'adults damb tèmes relacionadi damb eth miei ambient, pedagogia ambientau o valorizacion der entorn? Òc, es entitats deth Hilat pòden organizar corsi de formacion qualificats sus tematiques ambientaus o d'educacion ambientau. Eth Hilat participe regularament en diferenti procèssi de formacion vinculadi ath torisme, as espòrts de natura? Hètz-mos particips deth vòste projècte e vos podem dar assisténcia ena ellaboracion deth programa de formacion e/o participar coma ponents o formadors en aspèctes relacionadi damb eth coneishement deth miei ambient, eth desvolopament sostenible, era pedagogia ambientau e/o era valorizacion der entorn. Podetz meter-vos en contacte damb nosati a trauès dera adreça electronica:  contact@repv.org


 Desiram milhorar era practica professionau des nòsti collaboradors en encastre ambientau, com ac podem hèr? Contacta damb nosati e n'estudiaram es vòsti besonhs e era des vòsti collaboradors entà definir un plan de formacion adaptat. Podetz meter-vos en contacte damb nosati a trauès dera adreça electronica:  contact@repv.org


Un Hilat ath servici des territòris

 Podetz deishar-mos exposicions entath nòste espaci d'acuelhuda, entà mèter en valor eth nòste territòri? Les deishatz o logatz? Òc, es exposicions deth Hilat ( http://www.repv.org/expositions_1_22_27.html ) son ara vòsta disposicion a trauès deth loguèr. Ath delà deth loguèr d'exposicions, tanben podem ajudar-vos a  méter en valor eth vòste territòri miejançant era creacion d'un programa d'activitats qu'impliquen as actors locaus. Non dubtetz de hèr-mos particips deth vòste projècte. Podetz méter-vos en contacte damb nosati ena adreça electronica:  contact@repv.org


 Podetz ajudar ar encargat de projèctes a crear ua exposicion, un sendèr de descubèrta o interpretatiu, un programa d'activitats, un eveniment... vinculat damb eth miei ambient? Òc, eth Hilat e es sòns membres an creat nombrosi supòrts divulgatius entara descubèrta e era interpretacion  http://www.repv.org/_1_23_30.html  e an aquerit ua bona tecnica en aguest encastre. Ath delà era collaboracion ei ua des claus deth Hilat. Non dubtatz en contactar damb nosati (contact@repv.org) entà explicar-mos es vòsti besonhs e estudiar es vòsti projèctes. 


 Podem ajudar a definir un plan de sensibilizacion, definir ua politica educativa dera nòsta entitat, deth nòste territòri? Òc, eth Hilat a desvolupat competéncies, amiades per educadors ambientaus, entà definir plans de sensibilizacion (a cargue des entitats responsables dera coordinacion deth Plan Nacionau d'Accion) mès tanben an collaborat dant supòrt ara definicion de politiques educatives ( Parcs Naturals Regionals dera Arièja e des Pirenèus Catalans, eth Comitè deth Pirenèu, en marc dera estratègia pirenenca de valorizacion dera Biodiversitat...). Damb independéncia dera extension deth tòn territòri o dera tua entitat, non dubtes en meter-te en contacte damb nosati (contact@repv.org).


Un Hilat cooperatiu

 Com podem implicar-mos en Hilat? Quini son es passi a seguir? Era vòsta entitat  a coma finalitat era educacion o/e educacion ambientau? Desiratz formar part  d'ua aventura collectiva a nivèu de tota era sarrada pirenenca entà promòir era educacionambientau? S'as idèes e un shinhau de temps entà participar enes trobades e enes grops de trebalh, s'era cooperacion ei motor des vòsti ahèrs, alavetz podetz vier a conéisher eth Hilat enes pròplèu trobades a darrèrs de seteme! Escriuetz-mos tà contact@repv.org e acordaram ua amassada entà presentar-mos mutuament es nòstes entitats. 


 Quina ei era quòta d'adhesion ath Hilat? Era quòta annau entà èster membre deth Hilat ei de 50 € e eth compromís minim de tres dies deth vòste temps entà participar enes trobades annaus.   


 Quini avantatges a èster membre deth Hilat ? Participar en Hilat, ei enriquir-se dera sua activitat a trauès der intercambi damb es autes entitats, formar-se en naues tematiques e destinataris, poder dispausar de recorsi pedagogics elaboradi peth Hilat, beneficiar-se deth possible finançament artenhut peth Hilat, beneficiar-se segontes es besonhs dera entitat d'ua experiéncia educativa?. E fòrça d'auti avantatges!


 Quin ei eth membre deth Hilat mès apròp ara mia activitat? Consultatz era mapa des membres deth Hilat: http://www.repv.org/cartographie_1_21_15.html


 I a ofèrtes de trebalh, prepauses de practiques laguens deth camp dera educacion ambientau ? En apartat Actualitat deth Hilat o Actualitat des Membres, podetz trobar prepauses de practiques o trebalh:  http://www.repv.org/membres_1_13_4.html