Istoric

Deth 1997 ath 2002

damb er impuls dera LPO (Liga entara Proteccion des Audèths) de França, diferenti actors dera educacion ambientau s'amassèren en versant francés, entà formar eth prumèr hilat d'educacion des Pirenèus: eth ?Hilat d'Educacion entara Conservacion deth Trincadors de Uassi?, qu'auie coma objectiu sensibilizar sus eth besonh dera conservacion des abitats de montanha, a trauès d'ua espècia emblematica menaçada com ei eth caparròi. S'organizèren trobades annaus damb era finalitat de que cada entitat participèsse en aguesta experiéncia collectiva.

Amassadi entara produccion collectiva d'ua airina pedagogica (projècte e Kit de recorsi CAP Trencalòs), es prumères entitats rapidament se higeren ath projècte. Ath long des Pirenèus, entitats especializades en educacion ambientau s'uniren ad aguest nau hilat entà trobar-se damb d'auti professionaus dera mediacion, entà compartir experiéncies e recorsi, e promòir projèctes innovadors.  Es tematiques s'anèren ampliant, a compdar des interèssi de trebalh d'ua espècia emblematica e eth sòn abitat.

E eth Hilat anèc creishent... es trobades annaus des membres s'organizen tant en Aquitania, com en Mieidèa-Pirenèus, o com en Lenguadoc-Rosselhon.

En 2003

Refortilhats pera experiéncia anteriora, e conscients der urgent besonh de qu'era educacion ambientau calerie basar-la enes madeishi principis en un madeishi territòri, es Pirenèus, es membres deth hilat dèren ua dimension transfronterèra as sues accions. D'aguesta forma, eth hilat deth versant nòrd se transforme entà èster eth hilat Education Pirénées Vivantes / Educación Pirineos Vivos. Era sensibilizacion ena biodiversitat des Pirenèus, se tornèc eth tèma centrau deth hilat.

Er objetiu principau deth hilat d'Educacion Pirenèus Vius siguec construïr, entre es agents francoespanhòls d'educacion ambientau des Pirenèus, un lenguatge comun qu'identifiquèsse es caracteristiques pedagogiques e era corresponenta relacion damb er entorn. Damb era finalitat qu'es projèctes deth hilat neishessen de bases compartides e entà superar es diferéncies culturaus e administratives, es membres deth hilat sigueren coautors d'un document bilingüe (francés-castelhan) que permetec mostrar es principis, valors e metòdes d'ensenhança deth hilat. Aguesta carta, eth prumèr resultat d'aguest intercambi transfronterèr, ei eth testimòni des respectives intencions e ua fotografia der estat de coneishement, credences e punts en comun. Aué, aguesta carta ei encara eth document de referéncia deth hilat.

Per prumèr còp, es educadors ambientaus francesi, aragonesi e navarresi collabòren amassa entà desvolopar airines de mediacion e de descubèrta dera biodiversitat des Pirenèus: ?Eth patrimòni comun ei era principau des motivacions des membres deth Hilat ?

E eth Hilat creish ... Es trobades annaus s'organizen prumèr en Aragon e dempús en Navarra. Aguesta prumèra experiéncia de cooperacion transfronterèra entre es ans 2003 e 2006 refòrce aguesta ambicion de trebalhar amassa des des dus costats des Pirenèus, mès enlà des frontères. E era experiéncia demòstre qu'ei possible, gratificant e coerent. 


Entre eth 2007 e eth 2009

 es vicissituds economiques condicionèren es dinamiques transfronterères. Totun er an 2009, eth programa europèu de cooperacion transfronterèra (POCTEFA) entre Espanha, França e Andòrra, damb eth supòrt deth ministèri d'ecologia francés, des autonomies espanhòles e deth govèrn d'Andorrà, permetec ath hilat començar ua naua etapa. 

Er an 2010

Cra mobilizacion de quauques entitats catalanes e navarreses, permetec renovar era dinamica transfronterèra.

Ath delà dera biodiversitat des Pirenèus, ei de besonh poder respóner as principaus problèmes ambientaus des montanhes des Pirenèus. Es membres deth Hilat an de  portar a tèrme accions de sensibilizacion ambientau e de desvolopament sostenible en sòn territòri. Eth Hilat vò dar supòrt as sòns membres ath tòrn d'aguesti tèmes e agranir eth sòn camp d'accion.

E eth Hilat creish ... per aguest motiu es reunions annaus des membres deth Hilat s'organizen en Catalonha er an 2012 e tornen entà Navarra en 2013. Es dinamiques des trobades, era participacion en grops de trebalh cooperatiu entà desvolopar projèctes educatius e era organizacion assembleària deth Hilat, motiven naues adhesions. Eth nombre de membres aumente e lèu s'apròpe ara seishantea d'entitats. Ei ora qu'eth Hilat desvolope ua estratègia entara milhora dera sua visibilitat e que dèishe per escrit es sòns estatuts. Dirigit administrativament des dera sua creacion pera LPO de França, eth Hilat dispòse d'un logotip e de miejans de comunicacion pròpis qu'apòrten as sòns membres era oportunitat de méter en valor eth  sòn trebalh. 

Er an 2014

Com en 1997 quan se creèc eth prumèr Hilat, era amassada annau se celebrèc en Mieidia-Pirenèus, entà imaginar un futur transfronterèr comun damb ua milhor sensibilizacion entà afrontar es naui objectius ambientaus des Pirenèus.