Objetius

Promòir ath long des Pirenèus accions d'educacion ambientau e de desvolopament sostenible ei eth nòste objectiu comun! 

Andorrans, catalans, aragonesi, occitans, navarresi, bascos e francesi, compartim ua consciéncia comuna de Massis, en aguest crusòl de diversitat biologica e endemismes, de cultures e societats umanes de montanha, d'activitats tradicionaus, de projèctes de desvolopament ...

Volem amassar-mos entà compartir experiéncies e recorsi,  formar-mos e milhorar era qualitat des nòstes airines pedagogiques, crear conjuntament projèctes innovadors d'educacion e promòir era riquesa deth nòste patrimòni ...

Era accion e era cooperacion son er ADN deth Hilat.

Ath long dera serrada des Pirenèus, es accions d'educacion ambientau an estat ara orde deth dia. Es diferents promotors des accions acostumen a trobar-se soleti, cada un en sòn territòri. Eth Hilat Educacion Pirenèus Vius ei ua airina entà trincar aguest isolament e crear formes d'intercambi, de trobades, de relacions mès fluides, entà refortilhar vincles, entà compartir experiéncies, difóner coneishements e abilitats e entà aumentar era qualitat des sues accions.

Es objectius pirenencs traspassen frontères. Era responsa que cau dar a toti eri a d'èster entà tota era Serrada, ei per aguest motiu qu'eth Hilat a d'èster reaument transfronterèr. Era sua coordinacion se compartís de nòrd a sud e d'èst a oèst deth massis des Pirenèus. 

Èster amassa mos permeterà compartir coneishements, recorsi tecnics e financèrs. Era construccion compartida de projèctes deth Hilat ei un rèpte entà toti es sòns membres.

Aguest hèt mos permet respóner milhor as objectius dera educacion ambientau ath long de toti es Pirenèus.